Легионерлар: Алиқуловдан навбатдаги гол, Аббосбек Файзуллаев асосий таркибда, Абдуқодир Ҳусанов захирадан майдонга тушди

Футбол бўйича бир нечта давлатларда ҳафта якунида ўйинлар бўлиб ўтди.

Россия Премьер Лигасининг 5-турида “ЦСКА” “Локомотив”ни қабул қилди ва мавсумдаги иккинчи мағлубиятини қабул қилиб олди.

Москва дербисида мезбонлар сўнгги дақиқада гол ўтказиб юборди. Мезбонлар сафида ўзбекистонлик Аббосбек Файзуллаев 87-дақиқага қадар ҳаракат қилди.

Софасcоре нашри ўзбекистонлик спортчининг ўйинини 6.8 баллга баҳолади.

Ушбу мағлубиятдан кейин Файзуллаев жамоаси 7 очко билан 6-ўринни эгаллаб турибди.
 
“ЦСКА” – “Локомотив” 0:1

Гол: 0:1— Тикнизян (90).

“Ланс” меҳмонда “Анже” меҳмони бўлди ва ягона гол эвазига ғалаба билан қайтди. Абдуқодир Ҳусанов 90-дақиқада захирадан майдонга тушди.

Софасcоре нашри Абдуқодир Ҳусановнинг ўйинига баҳо қўйиш учун етарлича ўйин вақтига эга бўлмаган деб топди.

“Анже” – “Ланс” 0:1

Гол: 0:1 – Саид (28).

Туркия Суперлигаси 2-тур доирасидаги “Адана Демирспор” — “Ризеспор” ўйини бўлиб ўтди.

Ўзбекистонлик ҳимоячиси Ҳусниддин Алиқулов ўтган турда ҳам гол урган эди. Бу сафар ҳам асосий таркибда майдонга тушган футболчи майдонда тўлиқ ҳаракат қилди.Учрашувларда меҳмонлар 1:2 ҳисобида ғалаба қозонди. Алиқулов жамоасининг илк голига муаллифлик қилди.

Шундай қилиб Алиқулов 2-турда ҳам гол урган ҳолда чемпионатнинг тўпурарлар жадвалида етакчи ўринда бормоқда.

Софасcоре нашри Алиқуловга 8 балл берган. Бу ўйиндаги энг юқори кўрсаткич ҳисобланади. 

“Адана Демирспор” — “Ризеспор” 1:2

Голлар: 0:1— Ҳусниддин Алиқулов (41), 0:2—Али Сове (74), 1:2—Бараши (90+8).

Туркия Суперлигасида ҳаракат қиладиган яна бир ўзбекистонлик футболчи Азизбек Турғунбоев жамоаси сафида майдонга тушди.  меҳмони бўлган “Сивасспор” дуранг 1:2 ҳисобида ғалаба қозонди. Учрашувда Азизбек тўлиқ ҳаракат қилди.

Софасcоре нашри унинг ҳаракатларини 6,8 баллга баҳолади.

“Кайсериспор” — “Сивасспор” 1:2

БАА Лига кубоги 1/8 финал доирасидаги “Ал Жазира” — “Ал Батеҳ” ўйини бўлиб ўтди.

“Ал Батеҳ” клубининг ўзбекистонлик ярим ҳимоячиси Азизжон Ғаниев бугунги ўйинда дебют қилди ва баҳсда тўлиқ ҳаракатланди.

Илк ўйинда мағлуб бўлган “Ал Батеҳ” 8 сентябрь куни ўз уйида жавоб ўйинини ўтказади.

Софасcоре нашри Азизжон Ғаниевнинг ўйинини 6.2 баллга баҳолаган.

“Ал Жазира” — “Ал Батеҳ” 3:1

Голлар: 1:0—Рамон Миерез (6), 2:0—Нескенс Кебано (26, пенальти), 2:1—Анатоле Абанг (33), 3:1—Мамаду Кулибали (64).