“Ўзтемирйўлйўловчи” Тошкент Марказий вокзали 16 августдан ўз фаолиятини тиклашини эълон қилди.
Тўқимачи бекатида модернизация ишлари олиб борилиши муносабати билан 15 июлдан 15 августгача Тошкент Марказий вокзалидан ҳаракатланадиган йўловчи поездлар Тошкент Жанубий вокзалидан ҳаракатланиши ҳақида хабар берилган эди.
16 августдан Тошкент Марказий вокзали ўз фаолиятини бошлайди. Тошкент Марказий вокзалидан қатновчи маҳаллий йўналишларга саёҳатни аввалгидек ушбу вокзалидан давом эттириши мумкин.
Яъни юқори тезликда ҳаракатланувчи “Афросиёб”, “Шарқ”, “Насаф”, “Ўзбекистон” поездлари ва Тошкент—Волгоград—Тошкент йўналишида ҳаракатланувчи поездлар аввалгидек Тошкент Марказий вокзалидан ҳаракатланади.
Ҳозирда Тошкент Марказий вокзали ва “Тўқимачи” бекатидан ҳаракатланаётган шаҳарлараро Ҳожикент, Гулистон, Ангрен, Хаваст, Бекобод йўналишларидаги поездлар 16 августдан бошлаб Тошкент Жанубий вокзалидан ҳаракатланади.
Изоҳ (0)