Дарҳақиқат, қурилиш дунёдаги энг савобли ва хайрли ишлардан бири ҳисобланади.
Қурувчиларимизнинг олижаноб меҳнати билан барпо этилаётган янги турар-жойлар, ишлаб чиқариш комплекслари, йўл ва коммуникация тармиқлари, йирик инфратузилма объектлари, мактаблар, тиббий ва спорт мажмуалари мамлакатимиз қиёфасини тубдан ўзгартириб, ҳаётимизнинг янада обод ва фаровон, файзли бўлишига хизмат қилмоқда.
Шу муносабат билам қурилиш соҳасида фаолият юритаётганларга ҳар қанча ташаккур айтсак арзийди, албатта.
Ўзбекистон Президенти Шавкат Мирзиёев таъкидлашича, “эл-юртимиз моҳир қурувчи ва муҳандислар, уста ва меъморларни, лойиҳачи ва пудратчи ташкилотлар вакилларини Янги Ўзбекистон равнақига муносиб ҳисса қўшаётган фидойи инсонлар деб билади”.
Бугунги кунда мамлакатимиз қурилиш соҳаси жадал суръатлар билан ривожланмоқда. Соҳанинг ҳуқуқий ва моддий-техник базаси мустаҳкамланиб, республикамизнинг барча ҳудудларида илғор технология ва ёндашувлар асосида фаолият юритадиган қурилиш ташкилотлари пайдо бўлаётгани, қурилиш материаллари саноати юқори суръатлар билан ривожланаётгани, малакали етук кадрлар тайёрлаш тизими йўлқа қўйилгани шундай деб айтишга асос беради.
Ўзбекистонда кенг турдаги қурилиш материаллари ишлаб чиқарувчи ва экспорт қилувчи энг йирик корхоналардан бири бўлган AKFA Group мамлакатимиздаги барча қурувчиларни касб байрами билан чин қалбдан табриклайди. Компания барча ҳамкорлари ва ҳамкасбларига мустаҳкам соғлиқ, шарафли ва масъулиятли фаолиятида янги муваффақиятлар, тинчлик, эзгулик ва бахт-саодат, жонажон Ўзбекистонимиз равнақи йўлидаги меҳнатда куч-қувват тилайди. Барча эзгу ишларингизда омад ёр бўлсин.
Изоҳ (0)