Президент Шавкат Мирзиёев 9 август куни япон томонининг ташаббуси билан Япония бош вазири Фумио Кисида билан телефон орқали мулоқот қилди. Бу ҳақда Президент матбуот хизмати хабар берди.
Давлат раҳбари Япониянинг жануби-шарқида кучли зилзила рўй бергани ва цунами кутилаётганидан хавотир билдирди.
Ўзбекистон Япония томонининг “Марказий Осиё + Япония” биринчи саммитини ўтказиш ва бош вазир Кисиданинг жорий йил 10—11 август кунларига режалаштирилган Ўзбекистонга расмий ташрифи муддатларини кўчириш тўғрисидаги қарорини тўлиқ тушуниши таъкидланди.
Тайёргарлик тадбирларини давом эттириш ва ташрифни ташкил этишнинг янги муддатларини дипломатик каналлар орқали келишишга аҳдлашиб олинди.
Изоҳ (0)