Ҳасанбой Дўстматовга ютқазган Сакен Бибоссинов қозоғистонликларга мурожаат қилди

Қозоғистонлик боксчи Сакен Бибоссинов Париж Олимпиадасида Ўзбекистон вакилига мағлубиятга учраганидан сўнг юртдошларига мурожаат қилди.

“Ҳурматли қозоқ халқи!
Токио Олимпиадасида бронза медалини қўлга киритганимда, Париж Олимпиадасига қайтиб, олтин медални қўлга киритаман ва мақсадимга эришаман, деб ўйлаб, шу ерга келдим. Мен бу Олимпиадани интиқлик билан кутгандим. Мен ўз мамлакатимга “олтин” олиб келмоқчи эдим. Кўк байроғимиз ҳилпираб, мадҳиямиз янграшини хоҳлагандим. Ҳаммаси биз хоҳлагандек бўлмади. Менимча, мен яхши жисмоний формада эдим. Менга бир оз омад етишмади, шекилли. Аммо, Худога шукур, қозоқ халқи шарафини ҳимоя қилиш бахтига муяссар бўлдим.

Мени ғалаба ва мағлубиятларда қўллаб-қувватлаган барчангизга раҳмат айтаман. Яхши сўзларингиз учун раҳмат!”, деб ёзди Сакен ўзининг ижтимоий тармоқдаги саҳифасида.

Вазни 51 килограммгача бўлган боксчилар ўртасидаги мусобақанинг чорак финалида ўзбекистонлик Олимпиада чемпиони Ҳасанбой Дўстматов Сакен Бибоссиновни мағлубиятга учратган эди.

Ярим финалда Рио Олимпиадаси чемпиони Кабо-Верде вакили Давид де Пинани мағлубиятга учратиб Олимпиада финалига йўл олди.