Ўзбекистон мезбонлигида ўтадиган Футзал бўйича Жаҳон чемпионати расмий тимсоли эълон қилинди.
Унга кўра Хон исмли Турон йўлбарси мусобақанинг тимсолига айланди.
“Куч-қудрат ва жасорат тимсоли ҳисобланган Турон йўлбарси юртимизда ўтадиган мундиалнинг расмий тимсоли этиб танланди.
Ўзига хос маҳорат билан чаққон ҳаракат қилиши ва унинг юқори тезлиги мазкур тимсолни футзал спорт тури билан боғлайди.
Ўрта Осиёнинг йўқотилган бойлиги дея таърифланадиган Турон йўлбарсини Жаҳон чемпионати тимсоли дея эълон қилиниши бутун дунёни ҳайвонот дунёсини муҳофаза қилишга яна бир бор ундади”, дейилади Ўзбекистон футбол ассоциацияси матбуот хизмати хабарида.
Мусобақалар 14 сентябрдан 6 октябргача Тошкент, Андижон ва Бухоро вилоятларида бўлиб ўтади
Изоҳ (0)