АҚШ давлат котиби Энтони Блинкен G7 давлатлари ТИВ раҳбарларига Эрон ва Ливан “Ҳизбуллоҳ” ҳаракатининг Исроилга ҳужуми душанба куниёқ бошланиши мумкинлигини айтди, дея Axios хабар берди.
Блинкен G7 ҳамкасбларига Эрон ва “Ҳизбуллоҳ”нинг Исроилга ҳужуми душанба куниёқ бошланиши мумкинлигини айтди, дейилади хабарда.
Порталга маълум қилишича, Блинкен Қўшма Штатлар Эрон ва “Ҳизбуллоҳ” жавоб қайтаришига ишонади, аммо “қасос қандай шаклда бўлиши ҳозирча аниқ эмас”. Шу билан бирга, манбаларга кўра, Блинкен АҚШ эҳтимолий ҳужумнинг аниқ вақтини билмаслигини, лекин унинг кейинги 24-48 соат ичида бошланиши мумкинлигини таъкидлаган.
Шунингдек, манбаларга кўра, Блинкен G7 ташқи ишлар вазирларига минтақадаги АҚШ қўшинлари сонининг кўпайиши “соф мудофаа мақсадларини” кўзлаётганини айтган.
Аввалроқ Пентагон Яқин Шарқда кескинлик кучайиб бораётган бир пайтда Қўшма Штатлар ўз кучларини мослаштиришга тузатишлар киритаётгани, мамлакат минтақага янги авиаташувчи зарбалар гуруҳини юбораётгани, шунингдек, у ерда қўшимча ракета ҳужумига қарши мудофаа тизимларини жойлаштиришини маълум қилганди.
“Ҳизбуллоҳ” етакчиси Ҳасан Насруллоҳ ҳаракатнинг юқори даражали қўмондони Фуад Шукр ҳалок бўлгани муносабати билан Ливан қаршилик ҳаракати Байрутнинг жанубий чеккаларига берилган зарбадан сўнг Исроил билан курашнинг янги босқичига ўтишини айтган.
NBC Неwс исмини ошкор этмаган исроиллик мулозимга таяниб, яҳудий давлати ҲАМАС сиёсий бюроси раҳбари Исмоил Ҳания ва шиа “Ҳизбуллоҳ” ҳаракати қўмондони Фуад Шукр ўлдирилганидан кейин Эрон ва шиа “Ҳизбуллоҳ” ҳаракати томонидан эҳтимолий кўп кунлик ҳужумга тайёрланаётгани ҳақида хабар берган.
Изоҳ (0)