Ўзбекистон вақти билан 4 август тонгида АҚШнинг Лос-Анжелес шаҳрида катта профессионал бокс оқшоми ташкил этилди.
Ушбу оқшомнинг марказий жангида Исроил Мадримов ҳамда америкалик Теренс Кроуфорд биринчи ўрта вазн тоифасида WBA камари учун тўқнаш келди. Кроуфорд якунда очколар эвазига ғалаба қозонди.
Мадримов ушбу жангдан сўнг реванш талаб қилишини маълум қилди.
“У деярли барча жангларни нокаут билан ютган. Мен охиригача муносиб жанг қилдим ва ғалаба қозондим деб ўйлайман.
Мен реванш истайман. Жаноб Турки ал Шейхдан реванш ташкил этишни сўрайман. Мен жангни назорат қилдим ва буни барча кўрди. Бундан буён ҳам шу темпда иштирок этишга ҳаракат қиламан.
Тўғри, Теренс дунёнинг энг зўр боксчиси. Мен эса 10 та жанг ўтказганман. Лекин муносиб жанг қилдим деб ўйлайман. Мени қўллаб-қувватлаган барчага раҳмат. Иншааллоҳ янада кучли бўлиб қайтаман”, — дейди Исроил.
Изоҳ (0)