Фаластиннинг ҲАМАС ҳаракати Сиёсий бюроси раҳбари Исмоил Ҳаниянинг ўлимига АҚШнинг алоқаси йўқ.
Бу ҳақда АҚШ давлат котиби Энтони Блинкен CNA порталига маълум қилди.
Унинг сўзларига кўра, Қўшма Штатлар Ҳанияга суиқасд уюштирилишини билмаган ва унда иштирок этмаган.
“Бирор-бир тахмин билдириш жуда қийин ва мен йиллар давомида бир воқеа бошқасига қандай таъсир қилиши мумкинлигини ҳеч қачон ўйламаслик кераклигини тушунганман”, деди Блинкен ҲАМАС сиёсий бюроси раҳбарининг ўлдирилиши урушнинг боришини ўзгартирадими, деган саволга жавобан.
Бугун ҲАМАС сиёсий бюроси раҳбари Исмоил Ҳания Теҳрондаги қароргоҳига қилинган ҳужум оқибатида ҳалок бўлди. У билан бирга тансоқчиси ҳам вафот этган. ҲАМАС ва Ислом инқилоби қўриқчилари корпуси ҳужумни тасдиқлаб, Исмоил Ҳания Исроил ҳужуми оқибатида ҳалок бўлганини билдирди.
Изоҳ (0)