Бизнесмен Илон Маск Х ижтимоий тармоғида Google қидирув сўровининг скриншотини жойлаштирди, унда “Президент Дональд” сўрови учун унга “Дональд Трамп” варианти таклиф қилинмаган. Бунинг ўрнига, қидирув панели “Президент Дональд Дак”ни таклиф қилмоқда.
Тадбиркор Google компанияси бўлажак сайловлар олдидан собиқ президент ва Республикачилар партияси номзоди ҳақидаги эслатмаларни блоклаётганини тахмин қилди.
Google таклифлари орасида “Президент Дональд Рейган” ҳам бор, гарчи Америка Қўшма Штатларининг 40-президенти исми Роналд бўлса ҳам.
Маскнинг фикрича, компания бу каби ҳодисалар туфайли “сайловга аралашса, катта муаммоларга дуч келади”. Кейинчалик тадбиркор яна бир нечта скриншотларни эълон қилди. Улардан баъзиларига кўра, “Дональд Трамп” сўзини қидирганингизда, Google АҚШ вице-президенти ва Демократлардан номзод бўлган Камала Ҳаррис ҳақида ҳам кўп маълумотларни тақдим этади.
Google Ҳарриснинг ўзи ҳақида маълумот қидиришда Дональд Трампга унчалик катта ҳажмдаги ҳаволаларни таклиф қилмайди.
21 июль куни Оқ уйнинг амалдаги раҳбари, 81 ёшли Жо Байден президентлик пойгасида иштирок этишдан ўз номзодини қайтариб олиш қарорини эълон қилди. У Демократик партиядан Камала Ҳаррисни номзод сифатида кўрсатишни таклиф қилди.
Изоҳ (0)