Ғазо секторида гепатит А билан касалланганлар сони қарийб 40 мингга етди. Фаластин-Исроил можароси авж олишидан аввал бу ерда атиги 85 нафар одамда инфекция ҳолати қайд этилганди.
Бу ҳақда БМТнинг Яқин Шарқдаги фаластинлик қочқинларга ёрдам кўрсатиш агентлиги (UNRWA) маълум қилди.
Унга кўра, анклавда ҳар ҳафта 800 дан 1 минггача янги касаллик ҳолати қайд этилган. Хусусан, UNRWA томонидан Ғазо фуқаролари учун ташкил қилинган бошпаналарда гепатит А тарқалиши давом этмоқда. Агентликнинг қайд этишича, гепатит тарқалишига бошпаналарда жой йўқлиги, тоза сув ва гигиена воситаларининг етишмаслиги сабаб бўлган.
“Оилалар ўз уйларини ташлаб, гавжум лагер ва бошпаналарда яшашга мажбур. Уларда тоза сув, гигиена воситалари етишмайди ва чиқиндилар тўғри йўқ қилинмаяпти. Бу инқироз UNRWA’нинг касалларга ёрдам бериш бўйича соғлиқни сақлаш дастури ишига сезиларли даражада тўсқинлик қилишда давом этмоқда”, деди секторнинг дастур менежери Ғаза Гҳада Ал-Жадба.
Изоҳ (0)