Сибирсев 1-саралаш гуруҳида иштирок этиб, 7:56.67 дақиқада маррага келди.
Бу натижа спортчига финал йўлланмасини қўлга киритиш учун камлик қилди. У умумий рейтингда 31 нафар сузувчи орасида 22-ўринни эгаллади. Финал йўлланмаси эса энг яхши натижани қайд этган 8 нафар спортчига насиб этди.
У аввалроқ 400 метрга эркин сузиш дастурида ҳам финалга чиқа олмаган эди. Шу тариқа, Илья Ўзбекистон учун ўзининг илк Олимпиадасидаги иштирокини якунлади.
Сибирсев Илья Павлович 2001 йил 28 апрель куни Россия Федерациясининг Алтай ўлкасида таваллуд топган. 2021 йилдан Ўзбекистон терма жамоаси аъзоси. Мураббийи — Шерзод Иноғомов. Спортчи АҚШнинг Кентукки штатидаги “Louisвилле” университетининг спорт клубида доимий машғулотларни олиб боради. Эркин усулда сузиш йўналишига ихтисослашган Илья Океан ортида ўтган турли халқаро мусобақаларда шоҳсупадан жой олган. 200, 400 ва 800 метр масофаларга сузиш дастурида Ўзбекистон рекордлари соҳиби ҳисобланади.
Сибирсев 21 июнь куни Канадада ўтган халқаро мусобақада 800 метрга эркин усулда сузиш дастурида Олимпиада нормативини бажариш орқали Париж—2024 ёзги Олимпия ўйинларида иштирокчисига айланди.
Изоҳ (0)