Хитойда бугун, 24 июль куни эрталаб супертўфонга айланган “Гаэми” тўфони сабабли энг юқори — қизил даражали хавф эълон қилинди.
Бу ҳақда Хитой марказий метеорология бошқармаси баёнотида айтилган.
Тропик циклон ҳозирда Тайван оролидаги Йилан округидан тахминан 195 километр жануби-шарқда жойлашган. Ушбу ҳудудда шамол тезлиги секундига 55 метрга етади.
“Гаэми” супер тўфони соатига 10-15 километр тезликда ҳаракатланиб, маҳаллий вақт билан чоршанбага ўтар кечаси Тайваннинг шарқий қирғоқларига етиб бориши кутилмоқда.
Шундан сўнг у оролнинг шимолий қисмидан ўтади ва эртаси куни бўронли шамол ва кучли ёғингарчилик кутилаётган Хитойнинг шарқий Фуцзян провинциясига етиб боради. Айрим ҳудудларда 600 мм гача ёғингарчилик ёғиши прогноз қилинмоқда.
Фуцзян провинциясининг қирғоқбўйи ҳудудларида расмийлар табиий офатга тайёргарлик кўрмоқда. Денгиздаги барча кемаларга хавфли ҳудудларни тарк этиб, портларда бошпана топиш буюрилган.
Изоҳ (0)