Фаластин президенти Маҳмуд Аббоснинг Россияга ташрифи 12—14 август кунларига мўлжалланган, у 13 август куни россиялик ҳамкасби Владимир Путин билан учрашади. Бу ҳақда ташрифдан хабардор манбага таяниб, “РИА Новости” хабар берди.
Фаластин президенти идорасидаги манба эса ташриф санаси ҳақида бошқача маълумот берган. Жумладан, Маҳмуд Аббос 18 август куни Россияга келиши айтилган. Бу Россиядаги дипломатик манба маълумотларидан кескин фарқланади.
У 12 август куни келади. 13 августда Путин билан музокаралар режалаштирилган. 14-санада жўнаб кетади, дейди манба.
Эслатиб ўтамиз, 2023 йилнинг июль ойида Путин ва Аббос ўртасида телефон орқали мулоқот бўлиб ўтганди. Суҳбат чоғида Аббос Кремлни қўллаб-қувватлашини билдирган, Путин эса Москванинг “Фаластин—Исроил можаросини адолатли ва барқарор ҳал этиш” тарафдори эканини айтган. Фаластин президентининг 2023 йилга мўлжалланган Москвага ташрифи бир неча бор қолдирилганди.
Изоҳ (0)