Британия уч йил ичида Россия, Хитой ва Эрондан келадиган бир қатор таҳдидлар фонида юзага келиши мумкин бўлган ҳарбий можарога тайёрланиши керак. Бу ҳақда Британия қуролли кучлар қўмондони генерал Роланд Уокер хабар берди.
Унинг сўзларига кўра, уруш муқаррар эмас, армиянинг тайёргарлик кўриш ва можародан қочиш учун етарлича вақти бор. Генерал 2027 йилгача Британия армиясининг жанговар кучини икки баравар оширишни асосий вазифа деб атади. У “дарғазаб Россия” Британия ва бошқа Ғарб давлатлари Украинани қўллаб-қувватлагани учун яқин йилларда ўч олиши мумкинлигини айтди.
“Бунинг қандай тугаши муҳим эмас. Ўйлайманки, Россия бу урушдан заифроқ, объектив ёки мутлақ чиқади, лекин барибир жуда хавфли. У Украинага ёрдам бериб келаётганимиз учун қандайдир қасос олишга интилади”, деди у.
Шунингдек, генерал Хитой Тайван устидан “назорат ўрнатмоқчи” экани, Эрон эса ядровий қурол яратишга интилиши ҳақида огоҳлантириб, яқин уч йилда вазият кескинлашиши мумкинлигини айтди.
Изоҳ (0)