“Биринчи ўйин—энг муҳими”. Испания бош мураббийи Ўзбекистон билан ўйин олдидан ўз фикрини билдирди

“Олимпиада – жуда қийин турнир, бу кичикроқ кўламдаги жаҳон чемпионатидек мусобақа. 

Биринчи ўйинимиз одатда энг муҳими саналади ва биз ҳам бор эътиборимизни ушбу баҳсга қаратганмиз. Орзуларни рўёбга чиқариш вақти келди. Менинг вазифам — қисқа вақт ичида жамоа шакллантириб, уларни бир оилага айлантиришдан иборат. Олтин медал бизни ўзига чорламоқда, чунки кўп йиллар мобайнида бунга эриша олмадик. Барча ишларни босқичма-босқич амалга ошириш муҳим аҳамият касб этади”.

Бундан ташқари мураббий жамоа юлдуз футболчиларининг аҳволи ва Ўзбекистон билан бўладиган ўйиндан кутаётган натижаси ҳақида гапирди.

“Евро-2024 ғолиблари Фермин ва Алекс Баeнанинг ҳолати? Улар биз учун муҳим. Ҳар икки футболчи ҳам яхши спорт формасида ва жамоада бахтли. 

Ўзбекистон — вазифамизни қийинлаштириши мумкин бўлган яхши жамоа. Уларни мағлуб этиш ва ўйинда 3 очкони қўлга киритиш учун 100 фоиз куч билан ҳаракат қилиш шарт”, дея Санти Дениянинг фикрларини келтирган Испания футбол федерацияси матбуот хизмати.

Маълумот учун, Ўзбекистон ҳамда Испания ўртасидаги баҳс бугун, 24 июль куни бўлиб ўтади