Сирдарё вилояти Гулистон туманида 14 ёшли қиз бедарак йўқолди. Бу ҳақда вилоят ИИБ хабар берди.
Маълум қилинишича, Гулистон тумани, “Мевазор” маҳалласи, Саховат кўчаси 15-уйда яшаган 2010 йилда туғилган, Шуҳратжонова Заҳро яшаш хонадонидан номаълум томонга чиқиб кетиб, бедарак йўқолган.
Алоҳида белгилари: бўйи 160-170 см, сочи қора, кўзлари жигарранг, лаби, бурни ва қулоқлари ўртача катталикда. Эгнида кўк кўйлак, оёғида оқ рангли ёзги оёқ кийим бўлган.
Ушбу шахс ҳақида маълумотга эга бўлган фуқаролардан қуйидаги телефон рақамларига мурожаат қилиш сўралди.
Тел: 102, +99878 221-02-81, 97 121-55-05, 97 568-07-70, 99 470-42-90, 94 162-77-07
Фуқарони топилишида кўмаклашганлар шахсига оид маълумотлари сир сақланиши кафолатланади.
Изоҳ (0)