Россияда туғилганлик ҳақидаги гувоҳнома кўриниши ва уни олиш тартибини ўзгартириш таклиф қилинди. Давлат думаси депутати Султон Ҳамзаев ҳужжатга боланинг суратини қўшиш ва паспорт олишдан олдин уни уч марта янгилашни таклиф қилди. Бу ҳақда “РИА Новости” хабар берди.
Депутат тегишли таклиф билан Россия бош вазири ўринбосари Татьяна Голиковага мурожаат қилди. Унинг фикрича, жорий форматдаги туғилганлик ҳақидаги гувоҳнома боланинг шахсини аниқлашга имкон бермайди ва шунинг учун аҳамиятга эга эмас.
“Суратнинг йўқлиги болани алмаштиришга имкон беради, гувоҳнома эса амалда ўз маъносини йўқотади. Поезд, аэропортлардаги рўйхатга олиш постларидаги назоратчилар ҳужжатнинг мансабдор шахс олдида турган бола билан мувофиқлигини текширишга ожизлик қилади. Туғилганлик ҳақидаги гувоҳнома боланинг камида 3, 7, 10 йилликдаги ўзгаришлар бўлган фотосуратдан иборат бўлиши керак, деб ҳисоблайман”, дейилади таклифда.
Ҳамзаев боланинг суратини QR-код кўринишида жойлаштиришни таклиф қилди, у давлат хизматлари сайти орқали кўрилиши мумкин. Бундай ҳолда, паспорт олиш пайтида ўсмирларда шахсий кабинет ва ундан фойдаланиш тажрибаси мавжуд бўлади.
Изоҳ (0)