Олий суд Ўзбекистонда ярим йилда транспорт воситаларидан фойдаланиш хавфсизлиги қоидаларини бузгани учун қамалганлар сонини очиқлади.
Маълум қилинишича, 2023 йилда Жиноят кодексининг 266-моддасида (транспорт воситалари ҳаракати ёки улардан фойдаланиш хавфсизлиги қоидаларини бузиш) назарда тутилган жиноятни содир этганликда айбли деб топилиб, 3 325 нафар шахс судланган. Шундан 635 нафарига озодликдан маҳрум қилиш жазоси, 2 690 нафарига озодликдан маҳрум қилиш билан боғлиқ бўлмаган жазолар тайинланган.
2024 йилнинг 1-ярмида 1 601 нафар шахс судланиб, уларнинг 551 нафарига озодликдан маҳрум қилиш жазоси, 1 050 нафарига озодликдан маҳрум қилиш билан боғлиқ бўлмаган жазолар тайинланган.
Олий Мажлис Сенатининг Мудофаа ва хавфсизлик масалалари қўмитаси тақдим этган маълумотларига кўра, 2024 йилнинг беш ойида содир бўлган йўл-транспорт ҳодисаларининг 53,7 фоизи пиёда ва велосипедчилар билан боғлиқ ҳолатлар ҳиссасига тўғри келган.
2024 йилнинг биринчи ярмида (январь—июнь ойлари) 9 839 та йўл-транспорт ҳодисаси содир бўлган, бунинг оқибатида 9 209 нафар фуқаро жароҳатланган ва 2 282 нафар инсон бу ёруғ оламни эрта тарк этган. Солиштириш учун, 2020 йилнинг биринчи ярмида жами 2388 та йўл-транспорт ҳодисаси содир этилган. Шундан 383 таси болалар, 1154 таси пиёдалар ва 101 таси велосипед иштирокида қайд этилган. Юқоридаги рақамлар шуни кўрсатмоқдаки, жорий йилнинг биринчи ярмида содир бўлган ЙТҲлар сони, 2020 йилга қараганда деярли 4 баробарга ошган.
Изоҳ (0)