Тошкент вилояти Бўстонлиқ туманида 19 ёшли йигит сув устида скутер бошқарувини эплай олмай, икки кишининг ўлимига сабабчи бўлгани ҳақида хабарлар тарқалди.
Хабарларда айтилишича, 20 июль куни “Чорвоқ” сув омборининг “Бурчмулла” сув ҳавзасида 19 ёшли зангиоталик йигит скутерни бошқара олмай, қаршисидаги катамаранга урилган. Натижада катамаранда бўлган 2 нафар — 28 ва 26 ёшли фарғоналик йигитлар тан жароҳати олиб воқеа жойида вафот этган.
Бош прокуратуранинг маълум қилишича, ҳолат юзасидан Жиноят кодексининг 260-моддаси (темир йўл, денгиз, дарё ёки ҳаво транспортининг ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилди. Тергов ҳаракатлари олиб борилмоқда.
Изоҳ (0)