2001 йилда “Уддабурон болалар” номли жосуслар ҳақидаги фильмнинг биринчи қисми экранларга чиққанидан кейин ундаги суперқаҳрамонлар дунё бўйлаб машҳурликка эришди. Ёш агентлар Алекса Вега ва Дэрил Сабара дарҳол суперюлдузга айланди.
Фото: РБК Украина
Фото: РБК Украина
Мазкур фильмга асосланган китоблар, комикслар ва ҳатто видео ўйинлар яратилди. Қизиқ, фильмдаги бош қаҳрамон Кармен ҳозир қандай ҳаёт кечирмоқда?
Кўпчилик Алекса Вегани “Уддабурон болалар” франшизасидаги ролидан эслайди, гарчи унинг карьераси бундан олдинроқ бошланган бўлса ҳам. Унинг биринчи ишлари орасида “Смерч”, “Робот ҳаёти” ва “Океан тубида” каби фильмлар бор.
Алекса “Уддабурон болалар” орқали кўплаб мухлислар меҳрини қозонган бўлса-да, унинг кейинги тақдири кенг аудиторияга номаълумлигича қолди. Айни пайтда у киноларда кичик роллар ўйнаб туради ва ўзини мусиқа йўналишида ҳам синаб кўрди.
У 2014 йилда собиқ Big Time Rush актёри ва қўшиқчи Карлос Пенавега билан турмуш қурган ва ҳозирда уч нафар фарзанди бор. Уларнинг энг кенжаси 2021 йилда туғилган.
Бугунги кунда Вега Instagram’да фаол ва машҳур блогерга ҳам айланган. Актриса ижтимоий тармоқларда карьераси ва оилавий суратлари билан мунтазам бўлишиб туради.
Изоҳ (0)