Замонавий актёрлар фаолияти давомида ўтган асрда яшаб ўтган ва тарихда ўчмас из қолдирган бошқа таниқли артистлар ролларини ижро этган. Уларнинг баъзилари характер ва дунёқарашига яқин бўлган қаҳрамонларни гавдалантириш бахтига муяссар бўлган. Қуйида экранларда бошқа актёрларни ижро этган машҳур юлдузларни ёдга оламиз.
Кичик Роберт Дауни
Кичик Роберт Дауни “Чаплин” (1992) фильмида афсонавий актёр, режиссёр ва бастакор Чарли Чаплин ролини ижро этган.
Кейт Бланшетт
Австралиялик актриса “Авиатор” (2004) фильмида ягона ва бетакрор актриса — Кетрин Хепбёрн ролини ўйнаган.
Кейт Бекинсейл
Мартин Скорсезенинг “Авиатор” (2004) фильмида Кейт Бекинсейл ўз даврининг машҳур актрисаси Ава Гарднер ролини ижро этган.
Мишел Уильямс
Мишел Уильямс “Мерилин билан ҳафта” (2011) фильмидаги латофатли актриса Мерилин Монрони гавдалантирди. У, ҳақиқатан, актрисага ташқи жиҳатдан ўхшар эди.
Жеймс Франко
Актёр 2001 йилда “Жеймс Дин” номли биографик фильмда 1950 йилларда Голливуднинг энг машҳур эркак актёрини ижро этди.
Женнифер Лав Ҳьюитт
Ҳьюитт “Одри Ҳепбёрн тарихи” (2000) телефильмида таниқли актриса, “Тиффанидаги нонушта” номли фильм орқали танилган Одри образини ижро этди.
Курт Расселл
Актёр 1979 йилда “Элвис” фильмида таниқли қўшиқчи ва актёр Элвис Пресли ролини ўйнади.
Ҳолли Берри
Актриса “Дороти Дендриж билан танишув” (1999) фильмида афсонавий актриса Дороти ролини ижро этди.
Кристен Стюарт
Кристен Стюарт 2019 йилда суратга олинган “Сиберг” фильмида актриса Жин Сиберг ролида ўзини синаб кўрган.
Жим Керри
Машҳур комик актёр Жим Керри 1999 йилда суратга олинган “Ойдаги одам” фильмида америкалик Энди Кауфман ролини ижро этган.
Бен Аффлек
Аффлек 2006 йилда Голливуднинг машҳур Supermenи — актёр Жорж Ривзни “Голливудленд” фильмида ижро этди.
Мадонна
“Эвита” (1996) фильмида хонанда Мадонна аргентиналик актриса ва бўлажак биринчи хоним Эва Перон образини гавдалантирган.
Жонни Депп
Актёр “Эд Вуд” (1994) фильмида режиссёр ва актёр Эдуард Д. Вуд ролини ўйнаган.
Жейсон Скотт Ли
Актёр 1993 йилда суратга олинган “Аждаҳо: Брюс Ли ҳикояси” биографик фильмида жанг санъати устаси ва актёр Брюс Ли ролини ижро этган.
Изоҳ (0)