Бугун эътиборингизга ҳиссиётларга тўла ва таъсирли ҳинд фильмларни тақдим этмоқчимиз. Уларда инсоний муносабатлар, турли қийинчиликлар ва тўсиқларни мардонавор енгиш ҳамда бир-бирини қўллаш каби мавзулар гўзал тарзда ёритиб берилган.
“Ўткинчи дунё” (2003)
Режиссёр Никҳил Адвани томонидан суратга олинган ушбу фильмда ҳақиқий севгини топиш йўлида саноқсиз тўсиқ ва курашларга дуч келган жуфтлик тасвирланган. Воқеалар мегаполис шаҳар — Нью Йоркда бўлиб ўтади. Фильмда бош ролларни Шоҳруҳ Хон, Прити Зинта, Саиф Али Хон ва бошқа актёрлар ижро этган.
Фильм ёш бўлса-да, қалби дардга тўла Наина томонидан ҳикоя қилинади, қиз қувноқ ва ғам-ташвишсиз Аманни учратгандан сўнг унинг ҳаёти ўзгариб кетади. Уларнинг ришталари кучайгани сари, Наинанинг ҳаётига ҳам бахт ва ижобий ҳислар кириб келади. Бироқ воқеаларнинг фожиали бурилиши уларнинг муҳаббатини катта синовдан ўтказади. Фильм фидойилик ва ҳаётнинг ҳар бир лаҳзасидан тўлиқ баҳраманд бўлиш муҳимлиги каби тушунчаларни ўргатади.
Ҳаёт зерикарли боълиши мумкин эмас (2011)
Фильм истеъдодли режиссёр Зоя Ахтар томонидан яратилган. Унда Кабир (Абҳай Деол), Имрон (Фархан Ахтар) ва Аржун (Ритик Рошан) ҳаётда турли омадсизлик ва бир-бири билан кўнгилсизликларни бошдан кечирган дўстларни ижро этади. Кабир тўйига икки ой қолганда узоқ йиллардан бери кўришмаган қадрдон синфдошлари билан Испанияга саёҳатга йўл олади.
Имрон бир неча йиллардан бери Испанияда яшаб келаётган биологик отасини топишга яширинча умид қилган бўлади. Аржун эса дастлаб саёҳат ҳақидаги фикрга қаршилик қилади, чунки у бир муддатга ҳам катта даромадли ишини тарк эта олмайди. Йигитлар Испанияда уларнинг ҳар бири иштирок этадиган 3 хил тадбир ташкил қилиши керак бўлади. Фильмда Испаниянинг гўзал манзараси, маданияти ва анъаналари ҳам ўрин олган.
Пику (2015)
Режиссёр Шуджит Сиркар томонидан суратга олинган фильмда ота ва унинг қизи ўртасидаги муносабатлар мавзуси кўтарилади. Унда вояга етган Пику ва рафиқасидан ажралиб, қайсар бўлиб қолган отаси ўртасидаги муносабатларнинг турли босқичлари тасвирланади. Фильм томошабинларга инсоний муносабатларнинг муҳимлиги ва қийин пайтларда биз доимо оилага мурожаат қилишимиз кераклигини ўргатади.
Бош ролларни таниқли актёрлар Амитабҳ Баччан ва Дипика Падуконе ижро этган. Фильмда шимолда яшовчи кўплаб ҳиндларнинг оддий ҳаёти, Деҳли маданияти ҳамда Калкутта аҳолиси яшаш тарзи кўрсатиб берилган.
“Рокки ва Рани. Севги ҳикояси” (2023)
Фильм премьераси 2023 йилда бўлиб ўтди, унга Каран Жоҳар режиссёрлик қилди. Ранвир Сингх ўзининг қаттиққўл бувиси Жаналакшми Рандхава томонидан асос солинган ва отаси Тижори томонидан бошқариладиган ширинликлар ишлаб чиқарувчи компаниясининг меросхўри — Рокки ролини ижро этади. Рокки отасига умуман ўхшамайди: у доим ёрқин, нақшли кийимларда юришни яхши кўради, инглиз тилида мужмал гапиради.
Рокки ҳаракат ва хотира билан боғлиқ муаммолари бўлган бобоси Канвални жуда яхши кўради. Бир куни Канвал бобо “Жамини” исмини айтиб, бир аёлнинг йиртилган ва эски фотосуратини набирасига кўрсатади. Шундан сўнг Рокки ўша аёлни излаб топишга қарор қилади.
Жамини Канвалнинг собиқ севгилиси бўлиб чиқади. Рокки Жаминининг набираси Рани билан танишиб, кекса жуфтлик ўртасидаги яширин учрашувларни ташкил қилади. Бу орада Рокки Жаминининг набирасига кўнгил қўяди.
Изоҳ (0)