Яман ҳусийлари Қизил денгизда йирик нефть танкерига ҳужум қилди

Яман ҳусийлари 15 июль куни Қизил денгизда йирик нефть танкерига ҳужум уюштирган. Бу ҳақда “Ансоруллоҳ” ҳаракати матбуот хизмати тарқатган хабарга асосланиб, Reuters хабар берди.

Манбада айтилишича, ҳусийлар Қизил ва Ўрта Ер денгизларида ҳарбий амалиётлар ўтказган. Ғарб мамлакатларига тегишли учта кема, жумладан, битта йирик нефть танкерига зарба берилган.

“Ансоруллоҳ” ҳаракати кемаларга баллистик ракеталар, дронлар ва ҳарбий кемалар билан ҳужум қилган. Кемаларга нисбатан жиддий шикаст етказилган. Ҳужумдан кўп ўтмай ҳусийлар кемалари чекинган.

Ҳаракат матбуот котиби Яҳё Сари ҳужум Исроилнинг Хон Юнисдаги ҳужумига нисбатан ташкил этилган серияли тадбирлардан бири эканини хабар қилган. Ҳафта давомида Қизил денгиздаги кемаларни нишонга олиш давом этиши билдирилган.

Ҳужумга учраган кемалар Bentley I ва Chios Lion нефть танкерлари бўлган. АҚШ Марказий қўмондонлиги ҳужумларни тасдиқлаган. Ҳужум оқибатида ҳеч қандай вайронагарчилик ёки жароҳатлар бўлмагани айтилган.

АҚШ ҳисоботига кўра, ҳозирга қадар камида 65 мамлакат ва йирик энергетика ва юк ташиш компаниялари ҳусийлар ҳужумларидан зарар кўрган. Учта йирик кема чўктирилган ва ўнлаб кемалар ҳибсга олинган.