УЕФА талқинига кўра Евро—2024 турнирининг рамзий терма жамоаси эълон қилинди

УЕФА Евро—2024 рамзий терма жамоасини эълон қилди.

Германия майдонларида ўтган Европа Чемпионатида Испания терма жамоаси чемпионликни нишонлади. Берлиндаги финалда испанлар Англия терма жамоасини 2:1 ҳисобида мағлуб этди.

Турнирнинг рамзий терма жамоаси ҳар бир учрашувда иштирок этган УЕФА кузатувчилари таҳлили асосида тузилган. Қарор қабул қилишда ўйинчиларнинг индивидуал хусусиятлари ва уларнинг жамоа ўйинига таъсири ҳисобга олинган.

Дарвозабон: Майк Менян (Франция);

Ҳимоячилар: Кайл Уокер (Англия), Вильям Салиба (Франция), Мануэл Аканжи (Швейцария), Марк Кукуреля (Испания);

Ярим ҳимоячилар: Родри, Дани Олмо, Фабиан Руис (барчаси Испания);

Ҳужумчилар: Жамал Мусиала (Германия), Нико Уильямс, Ламин Ямал (иккаласи ҳам Испания).