Килиан Мбаппе “Реал” тарихига кирмоқчи эканлигини таъкидлади.
Бугун “Сантиаго Бернабеу” стадионида Мбаппенинг “Реал” футболчиси сифатида тақдимот маросими бўлиб ўтди. Француз испан тилида нутқ сўзлади.
“Ажойиб кун. Болалигимданоқ менинг биргина орзуим бор эди, мана шу ерда турганим жуда катта аҳамиятга эга.
Мени бу ерга йиллар давомида чорлаб турган “Реал” мухлисларига раҳмат айтмоқчиман. Энди яна битта орзуим қолди — клуб тарихидан жой олиш. Ушбу клубга боримни беришга тайёрман.
Болаларга айтар сўзим бор. Орзулар ва мақсад эвазига истаган нарсангизга эришишингиз мумкин.
Мен ўз орзуимни рўёбга чиқариб, футбол тарихидаги энг яхши клуб сафига ўтганимдан фахрланаман. Кўз ёшларимни тия оламанми-йўқми, билмайман. Ана энди ҳаммамиз биргаликда: бир, икки, уч, “Олға Мадрид!”, — дейди ҳужумчи.
Килиан Мбаппе “Реал” сафида 9-рақам остида тўп суради.
Изоҳ (0)