Тошкент вилоятида истеъмолчиларнинг шартнома ва лойиҳа ҳужжатларисиз ўзбошимчалик билан тармоққа тўғридан тўғри уланиб, табиий газдан ноқонуний фойдаланиш ҳолатлари аниқланди. Бу ҳақда “Ўзэнергоинспекция” матбуот хизмати хабар берди.
Маълум қилинишича, Чиноз туманида жойлашган Нефтьни қайта ишлаш заводи (271,1 млн сўм), Зангиота туманида жойлашган “Ш.-Б. А.” фермер хўжалиги (209,6 млн сўм) ҳамда Ўрта Чирчиқ туманида фуқаро М.А. қарашли деҳқончилик фермер хўжаликлари (208 млн сўм) томонидан жами 688 млн сўмлик табиий газдан ноқонуний фойдаланганликлари маълум бўлди.
Мазкур ҳолатлар юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
Изоҳ (0)