Британияда кино ва театр актёри, ҳурматли комедиячилардан бири Роуэн Себастьян Аткинсон ўзининг Жаноб Бин образи билан бутун дунёга машҳур бўлган. Ҳозирда 69 ёшни қарши олган актёр ушбу Ролдан ташқари 50 дан ортиқ образларни кино ва сериалларда гавдалантирган ҳамда икки карра “BAFTA”, Лоренс Олвие мукофотларига сазовор бўлган. Қуйида болалигимизда ёрқин хотиралар қолишига сабабчи бўлган Роуэн Аткинсон ҳақида қизиқарли ва аввал эълон қилинмаган фактларни тўпладик.
Роуэн Аткинсон “Қирол шер” мультфильмида Зазу қушига овоз берган
Актёрнинг овозини мультфильмнинг инглиз тилидаги талқинида тинглаш мумкин
Жаноб Бин аввалбошида Жаноб Гулкарам деб аталиши лозим бўлган
Актёр ўз қаҳрамонини Мister Bean (беан — фасол) ўрнига Мister White ёки Мister Sauliflower деб атамоқчи бўлган.
Британия қироличаси актёрни санъатдаги хизматлари учун рицарлик ордени билан мукофотлаган
Аткинсон дудуқланишдан азият чеккан
“Жаноб Бин” сериалида бош қаҳрамон – ўзини боладек тутадиган одамни деярли сўзлашувларсиз ижро этганининг сабаби ҳам актёр нутқидаги нуқсон бўлган.
Роуэн автомобиллар ишқибози
Аткинсоннинг дўсти, актёр Стивен Фрайнинг сўзларига кўра, Роуэн спорт автомобилларининг ашаддий мухлисидир ва унинг ўзи ҳам бир нечта эксклюзив ва қимматбаҳо машиналарга эга. Шунингдек, актёр мунтазам равишда автомобиль журналлари учун мақолалар ёзиб туради.
Жаноб Бин ҳақидаги фильм ва сериаллар 200 дан ортиқ мамлакатларда намойиш этилган
Актёрнинг қизи “Жаноб Бин таътилда” фильмида отаси билан бирга суратга тушган
Роуэннинг фарзанди Лили ҳозирда мусиқа саноатида ўз устида ишлаб келмоқда ва кейинчалик фильмларда суратга тушиш нияти йўқ.
Актёр Жеймс Бонд ҳақидаги фильмларнинг ашаддий мухлиси
Шунинг учун 1983 йилда Аткинсон Шон Коннери иштирокидаги “Ҳеч қачон ҳеч қачон дема” фильмида кичик ролни ижро этганидан ўта бахтиёр бўлган.
Роуэн бўлажак рафиқаси билан биринчи учрашувда бир оғиз сўз демаган
Актёр сўзларига кўра, ресторанда бўлиб ўтган кечки овқат вақтида у фақат биргина ибора билан рафиқасига мурожаат қилган: “Кетчупни узатиб юборинг”.
Актёр шаҳзода Чарльз ва Камилла Паркер-Боулзнинг никоҳ тўйида бўлган
Роуэн Аткинсон қиролликда бўлиб ўтган муҳим маросимнинг ҳурматли меҳмони бўлган
Жаноб Бин ижрочиси иккита олий маълумот дипломига эга
Аткинсон Нюкастл университетининг муҳандислик йўналишини битирган ҳамда Оксфорд университетида таҳсил олган.
Роуэн самолётда ҳалок бўлишига бир баҳя қолган
Аткинсон турмуш ўртоғи ҳамда икки нафар фарзанди билан кичик Кессна самолётида Найробига йўл олган вақтда учувчи ҳушидан кетган. У вақтда кичик рейсларга қўшимча учувчи бириктирилмаган. Аткинсон зудлик билан бошқарувни қўлига олган ва самолётни горизонтал ҳолатда ушлаб туришга ҳаракат қилган. Бу вақт давомида унинг рафиқаси ва болалари учувчини ўзига келтиришга уринган ва сўнгги дақиқаларда учувчи ҳушига келган.
Изоҳ (0)