Бухоро вилоятининг Пешку туманидаги боғчада болалар ҳақига хиёнат қилинаётгани ҳақидаги видеолавҳа тарқалди. Вилоят мактабгача таълим бошқармаси ҳолат юзасидан маълумот берди.
-RlMpa-gB.jpg)
Маълум қилинишича, 10 июль куни Пешку туман ҳокими Ваҳобжон Қаҳҳоров раҳбарлигида ишчи гуруҳи тузилиб, тумандаги ижтимоий объектлар қаторида 14-МТТ фаолияти ҳам ўрганилган. Ўрганиш жараёнида муассаса ошхонасида тарбияланувчилар учун тайёрланаётган биринчи овқатга 5,850 грамм, иккинчи овқатга эса 300 грамм гўшт солингани аниқланган.
Ушбу боғчада 158 нафар бола рўйхатга олинган бўлиб, текширув ўтказилган куни 150 нафар болага овқат тайёрланаётган бўлган.
Айни пайтда МТТ мудираси билан тузилган меҳнат шартномаси бекор қилинган.
Ҳозирда ҳолат юзасидан тегишли ташкилотлар томонидан суриштирув ишлари олиб борилмоқда.
2024 йилнинг бошларида Бухоро шаҳридаги боғчада болаларга берилиши керак бўлган озиқ-овқат маҳсулотлари талон-торож қилинганди. Текширув давомида тарбияланувчиларга берилиши керак бўлган 12 килограмм пиширилган гўшт ва 4 килограмм балиқ маҳсулоти ошпазлар ювиниш хонасидаги ваннада яшириб қўйилгани аниқланган. Ошпазларнинг шахсий буюмлари сақланадиган шкаф ва ташкилотнинг бўш турган хонасидан ҳам яшириб қўйилган озиқ-овқат маҳсулотлари топилган.
Изоҳ (0)