“Иннопром 2024” халқаро кўргазмасида AKFA Group ўзининг ишлаб чиқариш мажмуаларининг техник имкониятлари ва салоҳиятини намойиш этди.
8 июль — 11 июль кунлари Россиянинг Екатеринбург шаҳридада “Иннопром” 14-Халқаро саноат кўргазмаси бўлиб ўтди. “Иннопром 2024” кўргазмаси Ўзбекистон, Россия, Хитой, Туркия, Венгрия, Миср ва дунёнинг бошқа давлатларидан машинасозлик, энергетика ва металлургия, саноат автоматизацияси ва IT, фармацевтика ва тиббиёт саноати каби соҳаларда фаолият юритувчи 900 дан ортиқ компанияларни бирлаштирди. Кўргазма тадбирларида 60 та мамлакатлар вакиллари иштирок этишди.
Кўргазманинг бу йилги асосий мавзуси “Технологик шериклик келажакни шакллантиради” бўлди. Ушбу мавзу доирасида саноат ва экспорт кооперациясини кенгайтириш масалаларига алоҳида эътибор қаратилди.
Кўргазмада Ўзбекистоннинг етакчи саноат холдинги AKFA Group ҳам иштирок этди. AKFA Group стендида холдингнинг Тошкент, Навоий ва мамлакатимизнинг бошқа шаҳарларида жойлашган 20 дан ортиқ ишлаб чиқариш мажмуаларининг техник имкониятлари ва салоҳияти намойиш этилди.
AKFA Group стендида қурилиш саноати, транспорт сектори, энергетика ва электротехника саноати учун юқори технологияли алюминий экструзияси намуналари намойиш этилди. Бундан ташқари, AKFA Group стендининг меҳмонлари дераза ва эшик аксессуарларининг кенг ассортименти ва бошқа турдаги маҳсулотлар билан танишиш имконига эга бўлишди.
Шу билан бирга, Green-ЭХ ва РЕGreen-ЭХ брендлари остидаги маҳсулотларга ҳам алоҳида эътибор қаратилмоқда. Ушбу маҳсулотлар атроф муҳитга минимал таъсир кўрсатадиган экологик тоза алюминий профиллар ҳисобланади. Green-ЭХ ва РЕGreen-ЭХ брендлари остидаги алюминий экструзияси AKFA Group компаниясининг иссиқхона газлари чиқиндиларини минималлаштириш ва углеродсиз келажак сари янги технологияларни жорий этиш бўйича олиб бораётган ишлари натижасидир.
“Иннопром 2024” доирасида AKFA Group ва МДҲ давлатлари, Туркия, Хитой компаниялари вакиллари ўртасида музокаралар ташкил этилди. AKFA Group холдинги вакиллари таъкидлашича, “Иннопром 2024” кўргазмаси янги ҳамкорлик алоқаларини ўрнатиш ва экспорт географиясини кенгайтириш учун янги имкониятлар очди.
Реклама ҳуқуқи асосида.
Изоҳ (0)