Ўзбекистонда автомобиль транспортида кўрсатилган бозор хизматлари умумий ҳажмида такси хизматининг улуши ҳақида маълумот берилди.
Маълум қилинишича, 2024 йилнинг январь—май ойларида автомобиль транспортида кўрсатилган бозор хизматлари умумий ҳажмида такси хизматларининг улуши 52,1 фоизни ёки 11 триллион сўмни ташкил этган.
Автомобиль транспортида йўловчи ташишнинг умумий ҳажмида такси хизматларининг улуши 80,5 фоизни ташкил этди.
Ҳудудлар орасида ушбу хизмат тури умумий ҳажмида Тошкент (17,4 фоиз), Самарқанд (16,3 фоиз) вилоятлари ва Тошкент шаҳрида (15 фоиз) нисбатан юқори улушга эга.
1 март ҳолатига ўзини ўзи банд қилган ҳайдовчилар 420,8 минг нафарни ташкил этмоқда. Уларнинг 161,5 минг нафардан ортиғи солиқ органлари билан интеграциялашган онлайн-агрегаторлар орқали йўловчи ташиш хизматларини кўрсатмоқда. Эътиборлиси, аёлларнинг бу соҳага қизиқиши ортган: 1 053 нафар ҳайдовчи аёл ушбу онлайн хизматлар орқали йўловчи ташиш билан шуғулланмоқда.
Изоҳ (0)