Навоий вилояти Нурота туманида мармарни ноқонуний қазиб олган МЧЖ аниқланди, деб хабар беради Бош прокуратура ҳузуридаги департамент.
Қайд этилишича, департаментнинг Нурота туман бўлими томонидан терговга қадар текширув ўтказилган. Текширув давомида “Э.” МЧЖ масъул шахслари тегишли рухсатнома олмасдан тумандаги “Сувлиқ” гранит кони ҳудудидан 404,73 метр куб ҳажмдаги мармарни ноқонуний равишда қазиб олиб, давлат ва жамият манфаатларига 209,1 миллион сўм зарар етказгани аниқланган.
Мазкур ҳолат юзасидан Жиноят кодексининг 229-моддаси (ўзбошимчалик) билан жиноят иши қўзғатилиб, тергов ҳаракатлари ўтказилмоқда.
Аввалроқ Самарқандда мармарни ноқонуний қазиб олганлар давлатга 5 млрд сўмдан зиёд зарар етказгани тўғрисида хабар берилганди. Июнь охирларида ҳам Навоийда мармар ва оҳактошларни ноқонуний қазиб олиш ҳолатлари маълум бўлган эди.
Изоҳ (0)