“Ёввойи аёл” ва “Қонундаги малласоч” фильмларидаги образлари орқали танилган Риз Уизерспун YouTube’даги машҳур Тhе Home Edit шоусида иштирок этди. Лойиҳада юлдузнинг ошхонаси ажойиб тарзда тарифлаб берилди.
48 ёшли актрисанинг 4 миллион долларлик ҳашаматли уйида ўзига хос дизайнга эга ошхонаси алоҳида эътиборга сазовор. Ушбу хонани кўриб актриса чиндан ҳам пазандаликни яхши кўришига шубҳа қолмайди.
Нэшвиллда жойлашган мазкур хонадонда шифтдан ергача давом этган кенг деразалар, ғиштин декорациялар, мармар пештахталар кўзни қамаштирувчи кўк рангли деворлар уйга ўзгача кўрк бағишлайди.
Тhе Home Edit шоусининг асосий мақсади иштирокчиларнинг уйини янада шинам, қулай бўлишига ёрдам беришдир. Ташкилотчилар Уизерспун ошхонасини тартибга келтиришга қарор қилди: мутахассислар биринчи навбатда ошхона идишларини, сочиқларни ва бошқа предметларни саралаб чиқди. Ошхонадаги нарсаларнинг бари ранг ва маҳсулот тури бўйича қайта тартибга солинди.
Дизайнерлар ошхонани қайта тартиблаб бўлгач, хонадон эгаси Ризни чақирди ва актриса натижаларни баҳолаш учун ошхонага қайтди.
“Эй Худо! Қизлар, бу ақл бовар қилмайдиган нарса! Мени жуда хурсанд қилдингиз! Бекалар ошхонага кирганда юмушларини тез-тез бажариши учун барча нарсалар ўз жойида туриши катта қулайлик беради. Барча нарса шаффоф идишда ва қулай тартибда жойлашгани менга жуда ёқди. Сизлардан миннатдорман”, деди актриса ташкилотчиларга қарата.
Маълумот ўрнида, Риз Уизерспун 1976 йилнинг 22 март санасида АҚШда туғилган. У кинодаги фаолияти давомида “Ойдаги одам”, “Қонундаги малласоч” фильмларида суратга тушган. Актриса март ойининг охирида турмуш ўртоғи Жим Тот билан ажрашди. Жуфтлик 2011 йилда турмуш қурган эди. Риз ва Жим Теннесси штатида фарзанд тарбияси билан банд эди. Унинг актёр Райан Филипп билан никоҳидан яна икки нафар фарзанди бор.
Изоҳ (0)