Тошкентнинг 5 та тумани ҳудудида газ, яна 3 тасида электр энергияси таъминоти вақтинча ўчирилади 

Пойтахт туманларининг айрим ҳудудларида электр таъминоти вақтинча тўхтатилди. Бу ҳақда “Тошкент шаҳар электр тармоқлари” хабар берди.

Қайд этилишича, истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларнинг олдини олиш ҳамда мавжуд электр қурилмаларида таъмирлаш ишларини олиб бориш мақсадида бугун, 5 июль куни қуйидаги манзилларда электр таъминоти вақтинча ўчирилди:

• Юнусобод тумани — “Буюк Турон” МФЙнинг айрим ҳудудларида соат 11:00 дан 12:00 гача;
• Чилонзор тумани — “Дўмбиробод” МФЙ айрим ҳудудларида соат 10:00 дан 17:00 гача;
• Учтепа тумани — “Хуросон” МФЙнинг айрим ҳудудларида бугун соат 09:30 дан 17:30 гача.

Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлиги айтилди.

“Тошкент шаҳар электр тармоқлари” МЧЖ мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўрайди.

Шунингдек, таъмирлаш ишлари туфайли Чилонзор, Шайхонтоҳур, Янгиҳаёт, Сергели ва Олмазор туманларининг қатор ҳудудларига 5 июль куни табиий газ етказиб бериш вақтинча тўхтатилади.

Чилонзор тумани (соат 10:00 дан 17:00 гача)

• аҳоли истеъмолчилари сони — “Бешёғоч” МФЙдаги 220 та ерли хонадон, “Катта Олмазор” ва “Бешёғоч” МФЙлари кўп қаватли уйларидаги 1505 та хонадон;
• улгуржи истеъмолчилар сони — 30 та.

Шайхонтоҳур тумани (соат 10:00 дан 17:00 гача)

• аҳоли истеъмолчилари сони — Навоий кўчаси 8 та кўп қаватли уйлардаги 240 та хонадон.

Янгиҳаёт тумани (соат 11:00 дан 17:00 гача)

• аҳоли истеъмолчилари сони — “Ҳумо” МФЙдаги 176 та ерли хонадон, “Машъал” МФЙдаги 90 та ерли хонадон;
• улгуржи истеъмолчилар сони — 2 та.

Сергели тумани (соат 11:00 дан 17:00 гача)

• аҳоли истеъмолчилари сони — “Софдил” МФЙдаги 70 та ерли хонадон;
• улгуржи истеъмолчилар сони — 3 та.

Олмазор тумани (соат 10:00 дан 17:00 гача)

• аҳоли истеъмолчилари сони — “Орзу” МФЙ 5 та кўп қаватли уйлардаги 237 та хонадон;
• улгуржи истеъмолчилар сони — 7 та.

Таъмирлаш ишлари тугатилгандан сўнг, табиий газ таъминоти қайта тикланади.

Аввалроқ ижтимоий тармоқларда электр энергияси истеъмоли нотўғри ҳисобланаётгани айтилган постлар кўпайиб кетгани тўғрисида хабар берилганди.