АҚШ президенти Жо Байден муваффақиятсиз баҳсдан сўнг қийин аҳволда эканини тушунди ва кампанияни давом эттириш ёки йўқлигини кўриб чиқмоқда, деб ёзади New York Times.
Байден ўз тарафдорига пойгада қолиш-қолмаслигини ўйлаб кўраётганини айтган. У номзодини сақлаб қола олмаслигини билади, дейди нашр.
Нашр суҳбатдошига кўра, АҚШ президенти сайловчилар қўллаб-қувватлашига эришиши учун унинг навбатдаги чиқишлари, жумладан, АБC телеканалига жума куни режалаштирилган интервью яхши ўтиши кераклигини тушуниб етган.
У шу каби яна иккита тадбир бўлса, биз бутунлай бошқача вазиятда тушишимизни билади, дея Байден тарафдори муваффақиятсиз мунозарани изоҳлаган.
Байденнинг исми сир қолишни истаган катта маслаҳатчиси нашрга АҚШ президенти сиёсий муаммоларга дуч келаётганини жуда яхши билишини айтган.
АҚШ президентлигига даъвогарлар Жо Байден ва Дональд Трамп ўртасидаги илк дебат 28 июнь куни Атлантада бўлиб ўтган эди. Байден дебат давомида дудуқланиб, фикрларини аниқ ифода эта олмаган ва баҳс охирида рафиқаси Жилл ёрдамида саҳнадан тушган.
Америкалик сиёсатчилар ва журналистлар Демократик партия Байдендан воз кечиб, бошқа номзод кўрсатиши мумкинлигини тахмин қилмоқда. Байден ва Трампнинг иккинчи дебати 10 сентябрга белгиланган. АҚШда президентлик сайловлари 5 ноябрь куни бўлиб ўтиши кутилмоқда.
Изоҳ (0)