Ижтимоий тармоқларда Тошкентнинг Чилонзор тумани, Бунёдкор шоҳ кўчаси бўйлаб давлат рақам белгиси 01 Ф 222 ФБ бўлган Tracker-2 автомашинаси ҳайдовчиси юқори тезликда ҳаракатланганлиги акс этган видеолар тарқалди. Ҳолат юзасидан Тошкент шаҳар ИИББ ЙҲХБ ахборот хизмати изоҳ берди.
Маълум қилинишича, ҳолат бўйича Тошкент шаҳар ИИББ ЙҲХБ масъул ходимлари томонидан суриштирув ишлари амалга оширилди.
Tracker-2 автомашина ҳайдовчиси 1996 йилда туғилган Фаррух исмли шахсга тегишли бўлган транспорт воситасининг ҳужжатлари текширилганда рухсатномасиз автомашинага қайта жиҳоз ўрнатгани аниқланди.
Унга нисбатан МЖТКнинг тегишли моддалари билан маъмурий баённома расмийлаштирилиб, ҳайдовчи билан профилактик суҳбат олиб борилди ва машина вақтинча сақлаш учун жарима майдончасига жойлаштирилди.
Изоҳ (0)