Ғазо секторидаги Ал-Шати қочқинлар лагерига берилган авиазарбалар оқибатида 10 киши, жумладан, ҲАМАС сиёсий бюроси раҳбари Исмоил Ҳаниянинг синглиси Зоҳир Абдуссалом Ҳания ҳалок бўлди. Бу ҳақда Anadolu хабар берди.
Гувоҳларнинг сўзларига кўра, Исроил армияси самолётлари Ҳания оиласига тегишли уйга зарба берган. Ҳужум натижасида уй бутунлай вайрон бўлган, камида 10 киши ҳалок бўлган. Ғазодаги “Муаммедани” касалхонасидаги манбаларнинг айтишича, қурбонлар орасида Зоҳир Абдуссалом Ҳания ҳам бор.
Эслатиб ўтамиз, Исроил муқаддас Рамазон байрамида Ғазодаги Ал-Шати қочқинлар лагерини ўққа тутиши оқибатида Исмоил Ҳаниянинг уч ўғли ва тўрт набираси ҳалок бўлган эди.
Апрель ойида Исмоил Ҳаниянинг бошқа бир синглиси — Sabah Абдел Салам Ҳания Исроил жанубида терроризм бўйича тергов доирасида ҳибсга олинганди. У “ҲАМАС фаоллари билан алоқада бўлганликда, Исроилда террорчилик ҳаракатларини қўллаб-қувватлаганликда” гумон қилинган.
Изоҳ (0)