Эстония бош вазири Кая Калласнинг Европа Иттифоқининг ташқи ишлар ва хавфсизлик сиёсати бўйича олий вакили лавозимига тайинланиши Учинчи жаҳон урушининг бошланишини тезлаштиради. Бу фикрни Франция ватанпарварлари партияси етакчиси Флориан Филиппо билдирди.
“Унинг келажакда бу лавозимга тайинланиши кескинликни кучайтириш, тинчликни имконсиз қилиш ва учинчи жаҳон уруши бошланишини тезлаштиришга қаратилган”, — деб ёзди сиёсатчи Флориан Филиппо Х (собиқ Twitter) ижтимоий тармоғида.
Унинг сўзларига кўра, Филиппо “урушга берилиб кетган” деб атаган Калласни ЕИ дипломатияси раҳбари лавозимига тайинланиши аҳмоқона қарор. Сиёсатчининг сўзларига кўра, Эстония бош вазири “Россияга нисбатан кучли нафратга эга”, “НАТОга кўр-кўрона бўйсунади” ва “Европа армияси”ни яратиш ғоясини илгари суриши мумкин. Чунки у Европа Иттифоқининг мудофаа сиёсати саноат масалаларини бошқарадиган мудофаа бўйича Европа комиссари лавозими ташкил қилишни қўллаб-қувватлайди.
Аввалроқ Euractiv портали Россияга нисбатан ўта салбий муносабат Калласга Жозеп Боррелнинг ўрнини эгаллашга тўсқинлик қилаётгани ҳақида хабар берган эди. Унга кўра, жорий йилнинг февраль ойида Россия Ички ишлар вазирлиги томонидан қидирувга берилган Калласнинг позициясига Европа Иттифоқининг барча давлатлари ҳам қўшилмайди. Бундан ташқари, кейинчалик Эстониянинг Postimees газетаси Таллинн аҳолиси Эстония бош вазири ишини салбий баҳолаши ва агар у ушбу лавозимга тайинланса, янги лавозимда ёмон ишлашига ишонишини таъкидлаганди.
Изоҳ (0)