Россия ҳарбий-денгиз флоти кемалари Кубага сафарини якунлаб, пойтахт Гавана шаҳрини тарк этмоқда. Бу ҳақда “ТАСС” хабар берди.
Қайд этилишича, дастлаб “Казан” атом сувости кемаси портдан чиқиб кетган, тез орада “Адмирал Горшков” фрегати ва “Академик Пашин” танкери ҳам оролни тарк этади.
Кемаларнинг қайтиб кетиши Куба Инқилоб кучлари фахрий оркестри томонидан кузатиб қўйилди.
Россиянинг “Қозон” ядровий сувости кемаси 13 июнь куни “Атлантика океанида юқори аниқликдаги ракета қуролларини қўллаш” бўйича машғулотлар ўтказаётган Кубага етиб келган.
16 июнь куни Куба ташқи ишлар вазири кемалар кириб келишига изоҳ бериб, “Биз уларнинг борлиги ҳақида билардик, чунки узоқ йиллардан бери кузатиб келаётган прецедентларга кўра, АҚШ бизни олдиндан хабардор қилган. Аммо ҳудудимизда Кубага нисбатан расмий душманлик сиёсатини юритувчи давлатга тегишли бундай турдаги ускуналарнинг мавжудлиги ва сувларимиз орқали ҳаракатланиши бизга ёқмаслиги аниқ”, — деганди.
Куба расмийларининг фикрича, Қўшма Штатлар ҳозирда сувости кемаси жойлашган Гуантанамо провинциясини ноқонуний равишда эгаллаб олган. Бу провинцияда 2002 йилда қамоқхона ташкил этилган Америка ҳарбий-денгиз базаси жойлашган.
Изоҳ (0)