Йўловчи поездларда қўшимча сервис хизматларини жорий этиш, уларни янада ривожлантириш, йўловчи вагон паркларини янгилаш, модернизация қилиш, янги электропоездларни харид қилиш, вокзалларни замон талабларига мослаштиришни ҳисобга олган ҳолда чипталар нархига ўзгартиришлар киритилмоқда. Бу ҳақда “Ўзтермийўлйўловчи” матбуот хизмати хабар берди.
“Ўзбекистон темир йўллари” АЖ 2024 йилнинг 1 июль санасидан маҳаллий йўналишлардаги йўловчи поездлар — “Насаф”, “Шарқ”, “Ўзбекистон” поездлари чипта нархларининг тариф қисми 25 фоизга оширилишини маълум қилади.
Мисол тариқасида, 12, 4-сонли Тошкент—Қарши йўналиши аввалги нархлари:
- эконом — 150 минг 600 сўм, бизнес 218 минг 244 сўм. Ҳозирги нарх: эконом — 178 минг 250 сўм, бизнес — 262 минг 805 сўмни ташкил қилмоқда.
Эслатиб ўтамиз, Ўзбекистонда 2024 йил 20 январдан бошлаб юқори тезликда ҳаракатланувчи “Афросиёб” электропоездлари ҳамда “Шарқ”, “Насаф” ва “Ўзбекистон” тезюрар поездларининг чипталар нархи 20 фоизга ошганди. 15 майдан бошлаб эса юқори тезликда ҳаракатланувчи “Афросиёб” электропоездларининг чипталар нархлари эконом класс 20 фоиз, бизнес класс 30 фоиз ва VIP класс 40 фоиз миқдорда ошган.
Изоҳ (0)