Дания компанияси билан 420 миллион долларлик лойиҳалар юзасидан келишувга эришилди, деб хабар бермоқда Сурхондарё вилояти ҳокимлиги.
Унга кўра, ўтган ҳафтада Сурхондарё вилояти ҳокими Улуғбек Қосимов Дания қироллигининг Depa Commerce and Consult Ltd. компанияси директори Ник Киaнзад ҳамда Эрон Ислом Республикасининг Ashkina Binо Group компанияси директори Мадина Киaнзадни қабул қилган.
Ушбу компаниялар вакиллари билан вилоят ҳокимлигида навбатдаги учрашув бўлиб ўтди. Унда ўтган учрашувда кўриб чиқилган лойиҳалар, жумладан, чиқиндини қайта ишлаш ва ёқиш орқали 25 турдаги маҳсулотлар ҳамда электр энергия ишлаб чиқариш, жамоат транспортини ривожлантириш учун автобуслар олиб келиш ва йўналишларга қўйиш ҳамда қуввати 100 МВт бўлган қуёш панеллари ўрнатиш бўйича келишувларга эришилди.
Томонлар тегишли ҳужжатларни имзолашди ва лойиҳаларни амалга оширишга яқин кунларда киришилиши билдирилди.
Изоҳ (0)