АҚШ Конгрессининг Вакиллар палатаси Халқаро жиноий суд (ХЖС) фаолиятига чекловлар қўювчи қонун лойиҳасини маъқуллади.
Қонун лойиҳаси учун 247 нафар конгрессмен овоз берган: 205 нафар республикачи ва 42 нафар демократ. 155 нафар демократлар бунга қарши чиққан. Ҳужжат Сенатда маъқулланса ва АҚШ президенти Жо Байден томонидан имзолансагина қонуний кучга эга бўлади.
Аввалроқ Оқ уй матбуот котиби Карин Жан-Пьер президент маъмурияти ушбу қонун лойиҳасига қарши эканлигини ва Исроилни қўллаб-қувватлашнинг бошқа усулларини кўришини айтган.
Вакиллар палатасидаги республикачилар америкаликлар ва иттифоқдош мамлакатлардан келган шахсларга қарши тергов олиб борадиган ХЖС ходимларининг Қўшма Штатларда кўчмас мулк билан боғлиқ ҳар қандай операцияларини тақиқлашни, шунингдек, Америка визаларини беришни чеклаш ниятида. Ушбу чеклашлар санкция қўйилган шахсларнинг қариндошларига ҳам тегишли бўлиши мумкин.
Аввалроқ ХЖС прокурори Карим Хон Исроил бош вазири Биньямин Нетаньяху ва мамлакат мудофаа вазири Йоав Галантни ҳибсга олиш учун ордер беришни талаб қилган эди. Шу муносабат билан кўплаб америкалик сиёсатчилар, хусусан, республикачилар ХЖС фаолиятини чеклашга чақирган.
Изоҳ (0)