Жиззах вилояти Зомин туманида электрдан ноқонуний фойдаланган фермер хўжалиги масъуллари давлатга 200 миллион сўмдан зиёд зарар етказди. Бу ҳақда Прокуратура департаменти хабар берди.
Унга кўра, ҳолат Бош прокуратура ҳузуридаги департаментнинг Зомин туман бўлими томонидан ЭТК ходимлари билан ҳамкорликда ўтказилган терговга қадар текширувларда аниқланган.
“К.” ҳамда “С.Н.” фермер хўжаликлари масъул шасхлари ва бошқалар тегишли ер майдонларига ўрнатилган трансформатор ва электрон ҳисоблаш ускунасига ташқи таъсир ўтказилган. Ва тижорат мақсадида жами 207,6 миллион сўмлик электр энергиясидан ноқонуний фойдалангани аниқланган.
Мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари ўтказилмоқда.
Аввалроқ Наманган вилояти Уйчи туманида электрдан ноқонуний фойдаланган фермер хўжалиги раҳбари давлатга 200 миллион сўм зарар етказгани хабар қилинганди.
Изоҳ (0)