2024 йилнинг 16 июнидан Uzbekistan Airways Самарқанд – Иркуцк – Самарқанд йўналиши бўйича мунтазам авиақатновларни амалга ошира бошлайди. Парвозлар ҳар ҳафта, якшанба кунлари бажарилади!
Иркуцк Шарқий Сибирнинг энг йирик шаҳарларидан бири ва минтақанинг асосий транспорт марказидир. Шаҳар бугунги кунгача сақланиб қолган ёғоч уйларнинг ноёб меъморий кўриниши билан машҳур. Шунингдек, у бутун дунёдан сайёҳларни ўзига тортадиган машҳур Байкал кўлига кириш эшиги бўлиб хизмат қилади. Бундан ташқари, Иркуцк бой маданий сайёҳлик дастурини таклиф этади: музейлар, театрлар, санъат галереялари, Спасская ва Крестовоздиженский черкови каби тарихий обидалар шулар жумласидандир.
Бир томонлама авиачипталар нархи 2 778 000 сўмдан, Самарқанд – Иркуцк – Самарқанд йўналиши бўйича эса 3 866 000 сўмдан бошланади. Парвозлар қуйидаги жадвалга мувофиқ амалга оширилади:
Эслатиб ўтамиз, 9 майдан бошлаб Uzbekistan Airways Самарқанд – Нижний Новгород – Самарқанд йўналиши бўйича парвозларни амалга ошира бошлади.
Нижний Новгород Россиянинг энг қадимги ва маданий бой шаҳарларидан бири бўлиб, у ҳам сайёҳлар учун кўплаб диққатга сазовор жойларни тақдим этади. Мунтазам авиақатновлар ҳар ҳафта, пайшанба кунлари амалга оширилади, бир томонлама авиачипталар нархи 1 810 000 сўмдан, Самарқанд – Нижний Новгород – Самарқанд йўналишида эса 2 371 000 сўмдан бошланади.
Uzbekistan Airways ўз йўловчиларига саёҳатнинг ҳар бир босқичида юқори даражадаги қулай шароитларни таъминлашга интилади. Сизга янада қизиқарли саёҳатлар ва унутилмас онларни таклиф қилиш учун парвозлар харитасини кенгайтиришда давом этамиз.
Самарқанддан Иркуцк ва Нижний Новгородга, шунингдек, авиакомпаниянинг бошқа йўналишларига парвозлар учун авиачипталарни www.uzairways.com, Uzbekistan Airways мобил иловаси, Uzbekistan Airways Sales филиалида ёки агентлардан харид қилиш мумкин.
Реклама ҳуқуқи асосида.
Изоҳ (0)