Америка Қўшма Штатларининг марказий қисмида содир бўлган ҳамда электр таъминотидаги узилишларга сабаб бўлган торнадо ва бўронлар оқибатида камида 15 киши ҳалок бўлди, дея Associated Press хабар берди.
Техас шимолида етти киши, Арканзасда бешта, Оклахомада икки ва Кентуккида бир киши ҳалок бўлган. Яна ўнлаб одамлар жароҳатланган. 500 мингга яқин одам электр таъминотисиз қолган.
Техас губернатори Грег Эбботнинг айтишича, штатдаги округларнинг учдан бири табиий офат ҳудуди деб эълон қилинган.
Техасдаги Кук округидан Шериф Рей Саппингтон матбуот анжуманида Valley View ҳудудида юз берган торнадода икки ва беш ёшли бола ва бир оиланинг уч аъзоси ҳалок бўлганини айтган.
Иллинойс, Миссури, Кентукки ва Теннесси штатларида яна кучли прогноз прогноз қилинган. Синоптикларнинг таъкидлашича, 27 май куни Шимолий Каролина ва Виржиния штатида қаттиқ об-ҳаво хавфи кучаяди.
Изоҳ (0)