Ўзбекистонда мева ва сабзавотларнинг ўртача экспорт нархлари маълум қилинди

Ўзбекистон Савдо-саноат палатаси мева ва сабзавотларнинг ўртача экспорт нархларини маълум қилди.

East-Фруит таҳлилчилари Ўзбекистонда сабзавот ва меваларни экспорт қилиш шартлари ёмонлашганини қайд этганди. Бунга сабаб қилиб Вазирлар Маҳкамаси май ойидан бошлаб баъзи сабзавот ва меваларнинг тавсия этилган нархларини минимал нархларга ўзгартиргани кўрсатилган.

Энг қизиғи, нарх ҳар бир маҳсулот учун сифат тоифалари, навлари ва бошқалар бўйича ўзгартиришсиз белгиланди. Бу эса мева ва сабзавотлар учун мутлақо бемаъниликдир. Жаҳон амалиёти шуни кўрсатадики, бундай қарорлар ҳеч қачон ҳеч қайси нуқтаи назардан ижобий натижаларга олиб келмайди, — деган эди East-Фруит таҳлилчилари.

Савдо-саноат палатасининг билдиришича, нодавлат нотижорат ташкилоти экспорт учун минимал қийматни Савдо-саноат палатаси белгилаб келмоқда, ҳукумат эмас.

Натижада экспортчилар ўз маҳсулотини юқори нархда сотмоқда. Бу экспортни тўхтатиш дегани эмас ва бугунги кунга қадар экспорт бир сонияга ҳам тўхтамади ва тўхтамайди, — дейилади палата муносабатида.

Таъкидланишича, минимал нархлар белгиланса ҳам маҳсулотлар юқори нархда жўнатилмоқда, бу эса экспортчилар учун қўшимча фойда дегани.

Хусусан, қуйидаги маҳсулотларда нархлар сезиларли даражада ортган:

• Гилос. Минимал қиймат 2,00 эди, амалда эса 2,53 доллардан сотилмоқда (2023 йилда 50 фоизидан ортиғи 0,93 доллардан экспорт 11 000 сўм қилинган).
• Ўрик. Минимал қиймат 1,20 эди, амалда эса 1,75 доллардан сотилмоқда. (2023 йилда 50 фоизидан ортиғи 0,83 доллардан экспорт 9 600 сўм қилинган).
• Лимон. Белгиланган минимал қиймат 0,75 эди, амалда эса 1,23 доллардан сотилмоқда. (2023 йилда 50 фоизидан ортиғи 0,59 доллардан экспорт 6 800 сўм қилинган).
• Олхўри. Белгиланган минимал қиймат 0,90 эди, амалда эса 1,39 доллардан сотилмоқда (2023 йилда 50 фоизидан ортиғи 0,34 доллардан экспорт 4 000 сўм қилинган).
• Шафтоли. Белгиланган минимал қиймат 1,50 эди, амалда эса 2,92 доллардан сотилмоқда (2023 йилда 50 фоизидан ортиғи 2,06 доллардан экспорт  24 000 сўм қилинган).
• Қулупнай. Белгиланган минимал қиймат 1,20 эди, амалда эса 1,27 доллардан сотилмоқда (2023 йилда 50 фоизидан ортиғи 0,78 доллардан экспорт  9 000 сўм қилинган).
• Помидор. Белгиланган минимал қиймат 0,90 эди, амалда эса 0,96 доллардан сотилмоқда (2023 йилда 50 фоизидан ортиғи 0,45 доллардан экспорт 5 200 сўм қилинган).
• Бодринг. Белгиланган минимал қиймат 0,70 эди, амалда эса 0,83 доллардан сотилмоқда (2023 йилда 50 фоизидан ортиғи 0,37 доллардан экспорт 4 300 сўм қилинган).
• Қизил бош карам. Белгиланган минимал қиймат 0,50 эди, амалда эса 0,55 доллардан сотилмоқда (2023 йилда 50 фоизидан ортиғи 0,12 доллардан экспорт 1 400 сўм қилинган).
• Лавлаги. Белгиланган минимал қиймат 0,32 эди, амалда эса 0,44 доллардан сотилмоқда (2023 йилда 50 фоизидан ортиғи 0,23 доллардан экспорт 2 700 сўм қилинган).

Савдо-саноат палатаси хабарида айтилишича, минимал нарх белгиланишига доир қарор экспортёр корхоналарга тенг ва қулай шароит яратиш имконини беради. Ҳеч бир давлат органига экспортни чеклаш ёки тўхтатиб қўйиш ваколати берилмаган.