Мексика шимолидаги сайловолди митингида кучли шамол эсиб, саҳна қулаб тушди. Оқибатда камида тўққиз киши ҳалок бўлди. Бу ҳақда Forbes хабар берди.
Ҳодиса Нуэво-Леон штатидаги Монтеррей шаҳрида президентликка номзод Хорхе Майнеснинг сайловолди ташвиқоти пайтида юз берган. Дастлаб ҳалок бўлганлар сони бештани ташкил этган. Кейинчалик уларнинг сони тўрттага кўпайган. Қурбонлар орасида бир нафар вояга етмаган бола ҳам бор.
Ҳодиса оқибатида 56 киши ўрта ва жиддий жароҳатлар олган ҳамда яқин атрофдаги шифохоналарга ётқизилган. Президентликка номзод Майнеснинг айтишича, у саҳна қулагандан кейин маҳаллий касалхонага олиб кетилган, аммо воқеа жойига қайтган, ҳозирда аҳволи яхши. У қурбонлар ва жароҳатланганларнинг оилаларига ҳукумат томонидан ёрдам кўрсатилишини айтмоқда.
Изоҳ (0)