Адлия вазирининг тегишли буйруғи билан Миржон Исаев Бухоро вилоят адлия бошқармаси бошлиғи этиб тайинланди. Бу ҳақда Адлия вазирлиги матбуот хизмати раҳбари хабар берди.
Миржон Замирович 1983 йилда Бухоро шаҳрида туғилган. Маълумоти олий, 2003 йил Тошкент давлат юридик институтини (бакалавр), 2013 йилда Тошкент давлат юридик университетини (магистратура) тамомлаган, ҳуқуқшунос.
У ўз меҳнат фаолиятини 2003 йилда Адлия вазирлиги Иқтисодий қонунчилик бошқармаси катта маслаҳатчиси лавозимидан бошлаган ва ҳозиргача адлия органларида, суд тизимида, Президент Администрациясида турли масъул лавозимларда фаолият юритган. 2023 йилдан ҳозирги вақтга қадар Адлия вазирлиги Нодавлат нотижорат ташкилотлар бошқармаси бошлиғи вазифасини бажарувчи лавозимида ишлаб келаётган эди.
Адлия вазирининг тегишли буйруғи билан Дилмурод Аҳмедов Наманган вилояти адлия бошқармаси бошлиғи этиб тайинланди.
Аҳмедов Дилмурод 1984 йилда Наманган вилояти, Тўрақўрғон туманида туғилган. Маълумоти олий, 2007 йил Наманган давлат университетини тамомлаган, ҳуқуқшунос.
У ўз меҳнат фаолиятини 2007 йилда Наманган вилоят адлия бошқармаси Шартномавий-ҳуқуқий ишларни назорат қилиш бўлими катта маслаҳатчиси лавозимидан бошлаган ва ҳозиргача адлия органларида турли масъул лавозимларда фаолият юритган. 2021 йилдан ҳозирги вақтга қадар Наманган вилоят адлия бошқармаси бошлиғи ўринбосари лавозимида ишлаб келаётган эди.
Шунингдек, Улуғбек Абдуллаев Навоий вилояти адлия бошқармаси бошлиғи лавозимига тайинланди.
Улуғбек Абдуллаев 1985 йилда Самарқанд вилояти, Боғишамол туманида туғилган. Маълумоти олий, 2008 йил Қорақалпоқ давлат университетини (бакалавр), 2010 йилда Тошкент давлат юридик институтини (магистратура) тамомлаган, ҳуқуқшунос.
У ўз меҳнат фаолиятини 2010 йилда Адлия вазирлиги ҳузуридаги Ҳуқуқий ахборот билан таъминлаш маркази катта маслаҳатчиси лавозимидан бошлаган ва ҳозиргача адлия органларида турли масъул лавозимларда фаолият юритган. 2023 йилдан ҳозирги вақтга қадар Адлия вазирлиги Давлат хизматларини таҳлил қилиш ва ривожлантириш бошқармаси бошлиғи вазифасини бажарувчи лавозимида ишлаб келаётган эди.
Жаҳонгир Зохидов эса Сирдарё вилояти адлия бошқармаси бошлиғи этиб тайинланди.
Жаҳонгир Зохидов 1987 йилда Самарқанд туманида туғилган. Маълумоти олий, 2011 йил Самарқанд давлат университетини тамомлаган, ҳуқуқшунос.
У ўз меҳнат фаолиятини 2012 йилда Самарқанд вилояти адлия бошқармаси Шартномавий-ҳуқуқий ишларни назорат қилиш бўлимининг катта маслаҳатчиси лавозимида бошлаган ва ҳозиргача адлия органларида турли масъул лавозимларда фаолият юритган. 2023 йилдан ҳозирги вақтга қадар Қашқадарё вилоят адлия бошқармаси бошлиғи ўринбосари лавозимида ишлаб келаётган эди.
Изоҳ (0)