Италия мудофаа вазири касалхонага ётқизилди

Италия мудофаа вазири Гвидо Крозетто 21 май куни йиғилишда тоби қочиб, касалхонага ётқизилди. Бу ҳақда Раи Неwс хабар берди.

Амалдор Италия олий мудофаа кенгаши йиғилишини эрта тарк этишга мажбур бўлган, шундан сўнг у Сан-Карло-ди-Нанси касалхонасининг тез ёрдам бўлимига олиб кетилган. Февраль ойида Италия мудофаа вазири айнан шу муассасага перикардит билан ётқизилганди, шундан сўнг у касалхонанинг кардиология марказига кўчирилган.

Текширув давомида Крозеттода перикардитнинг енгил шакли борлиги тасдиқланган, бироқ юракка зарар етгани тасдиқланмаган, — дейилади хабарда.

Крозетто аввал ҳам юрак билан боғлиқ муаммоларга дуч келган. Бироқ, бу жарроҳлик аралашувини талаб қилмаган. Охирги марта унинг ўзи кўкрак қафасидаги оғриқлардан шикоят қилиб шифохонага келган. У бош вазир Жоржи Мелонининг яқин иттифоқчиси ва унинг “Италия биродарлари” партияси асосчиларидан биридир.