Иордания ташқи ишлар вазири Айман ал-Сафади Испания, Норвегия ва Ирландиянинг Фаластин давлатини тан олиш қарорини қўллаб-қувватлади ва буни тинчлик йўлидаги муҳим қадам деб атади.
У Х ижтимоий тармоғида бу ҳақда фикр билдирди.
“Иордания Европа давлатларининг қарорини қадрлайди ва Исроилнинг ноқонуний ҳаракатларини қоралайди”, — деди Иордания ТИВ раҳбари.
Ўз навбатида, Исроил миллий хавфсизлик вазири Итамар Бен-Гвир ўз мамлакати Фаластин давлатчилигини тан олишга йўл қўймаслигини айтиб, Ғазо секторида, жумладан, анклавнинг Миср билан чегарасидаги Рафаҳ шаҳрида фаластинликларга қарши ҳарбий ҳужумни кучайтиришга чақирди.
Аввалроқ ЕИ дипломатияси раҳбари Жозеп Боррел май ойининг охиригача Фаластин Европа Иттифоқининг бир қанча давлатлари томонидан тан олинишини айтганди.
Изоҳ (0)